Tinawag na mga terorista at kriminal ng kalihim ng Depatmento ng Pambansang Depensa na si Gilberto Teodoro Jr. ang New People’s Army, at humihindi sa bagong usapan sa pagkakasundo. Ito ay habang patuloy na ipinagtatanggol ng militar ang operasyon noong Abril 19 na nagresulta sa pagkamatay ng 19 rebeldeng NPA at sibilyan sa Toboso, Negros Occidental. Naglunsad na rin ng imbestigasyon ang Commission on Human Rights tungkol sa insidente.
Sa pahayag noong nakaraang araw, sinabi ni Teodoro, “No. I object to any peace talks with the NPA.”
Dagdag niya, “The Filipinos are at peace. They are the ones disturbing the peace, so why should we talk to them? They’re committing crimes.” Ayon pa sa kalihim, “They’re committing crimes and it’s terrorism, plain and simple. So to call for peace talks is to elevate the morality of their cause to something legitimate, which I cannot accept.”
Ang NPA, na armadong sangay ng Communist Party of the Philippines, ay itinatakda bilang organisasyong terorista ng pamahalaang Pilipino at Estados Unidos. Dalawa sa mga napatay noong Abril 19, 2026 sa engkwentro sa Toboso ay mamamayang Amerikano, ayon sa US Embassy sa Manila na naglabas ng advisory para sa mga Amerikano sa bansa.
Nagpahayag ng “grave concern” ang Commission on Human Rights kaya naglunsad ito ng malayang imbestigasyon. Handa namang humarap sa imbestigasyon ang Philippine Army, partikular ang 79th Infantry Battalion, na pinagtanggol ng mga lokal na opisyal ng Toboso na nagdeklara ng persona non grata sa mga miyembro ng NPA.
