Inatasan ni Pangulong Ferdinand Marcos Jr. ang mga ahensya ng gobyerno na tuklasin ang mga ugat ng sunod-sunod na karahasang kinasasangkutan ng mga menor de edad sa iba't ibang bahagi ng bansa.
Kasunod ng barilan sa San Jose National High School sa Tacloban City noong Hunyo 22 na ikinasawi ng tatlong estudyante at pagkasugat ng 20 pa, dalawang menor de edad na 14 at 15 anyos ang naaresto.
Sinabi ni Palace Press Officer Claire Castro sa press briefing noong Hunyo 25 na “heartbroken” ang pangulo nang malaman niya ang insidente dahil mga bata ang sangkot bilang biktima at salarin.
Bukod sa Tacloban, naiulat din ang mga pananaksak sa Cavite at Negros Occidental noong Hunyo 16 at 23, habang napigilan naman ang isang posibleng mass shooting sa Tolosa, Leyte.
Nag-utos din ang DepEd ng nationwide school safety audit at security briefing kasama ang PNP at iba pang ahensya upang palakasin ang proteksyon sa mga paaralan.
