Dereva wa Safari Rally, Maxine Wahome atajua hatima yake mwaka 2026 katika kesi ya mauaji ya mpenziwe Asad Khan. Mahakama imerudisha simu yake iliyotwaliwa baada ya kugundua hakuna ushahidi unaomuhusisha na kifo hicho. Kesi inaonyesha uhusiano wa vurugu kati yao.
Maxine Wahome, dereva shupavu wa Safari Rally, anayekabiliwa na shtaka la kumuua mpenziwe Asad Khan, atajua hatma yake kati ya Januari na Machi 2026. Jaji Lilian Mutende, aliyesikiza kesi kwa miaka miwili na miezi tisa, alisema atahitaji muda kutathmini ushahidi na mawasilisho ya mawakili. Wakati huo huo, polisi walimrudishia simu yake iliyotwaliwa Desemba 12, 2022, kufuatia agizo la jaji, baada ya ukaguzi kutoonyesha ushahidi wowote kuhusu kifo cha Asad.
Vurugu zilizotokea Desemba 11-12, 2022, mtaji Kileleshwa, Nairobi, zilianza wakati Maxine aliporudi nyumbani akiwa amechelewa kutoka karamu. Alikuwa amehudhuria sherehe iliyoandaliwa na dada yake na alimwandikia Asad ujumbe kumweleza. Asad alimwambia amnunulie pombe ya Jameson, ambayo alichanganya na dawa za kulevya kama Ketamine, na dawa za kisukari, zilizomfanya ahisi kama 'Spiderman'.
Aliporudi usiku wa manane, Asad alikuwa amelewa na alizua vurugu, akimchapa Maxine na kumtukana. Jirani Hassan Oyugi alisikia Asad akisema, “Mbwa hii toka kwa hii nyumba,” huku Maxine akijibu kwa sauti hafifu, “Nitatoka.” Maxine alitoroka na kujifungia dari, akawapigia wazazi wake. Asad alitandika dirisha na mlango teke bila kiatu, akikatwa na kioo kwenye mguu wake, na kuumia mshipa mkuu. Alivuja damu nyingi na kupelekwa Nairobi Hospital, kisha Avenue Hospital, ambapo alikufa baada ya siku sita kutokana na Septicemia.
Awali, ndugu yake Adil Khan alidai Maxine alimjeruhi Asad, lakini ilibainika alijiumiza. Ukaguzi wa simu ulionyesha mazungumzo 76,000 kati yao Desemba 11-12, 2022, lakini hakuna ushahidi wa mauaji. Koplo Diana Angote alikiri kuwasilisha taarifa za uwongo kuhusu makazi na kazi ya Maxine. Wakili wa utetezi Philip Murgor na Steve Kimathi wameomba achiliwe huru, na mashtaka Sarah Agweno wamepewa siku 15 kujibu. Maxine amekana shtaka na yuko nje kwa dhamana. Majirani walifichua uhusiano wa vurugu na ukorofi kati yao.