Mbunge Zaheer Jhanda amelaani vurugu zilizosababisha kifo cha mtu mmoja katika Soko la Keumbu zaidi ya wiki moja iliyopita.
Mbunge wa Nyaribari Chache Zaheer Jhanda alisema wakazi walijilinda baada ya viongozi wa Linda Mwananchi kuwasafirisha wahuni walioanza kuwashambulia.
Alisema watu hao walikuwa na mishale na marungu na walirusha mawe kwenye msafara. Video zinaonyesha wanaume na wanawake wakishambulia magari na mwanamume mmoja akianguka kutoka kwenye gari la SUV.
Mhasiriwa aliyetambuliwa kama Vincent Osiemo maarufu kama Mapinduzi alithibitishwa kufariki. Polisi walikuwepo eneo la tukio lakini hawakuingilia kati.
Jhanda alituma rambirambi kwa familia ya marehemu na kusisitiza kuwa watu wa eneo hilo wanapenda amani.
