Viongozi wa Linda Mwananchi ndani ya ODM wametoa makataa makali dhidi ya mrengo wa Linda Ground ulioongozwa na Seneta Oburu Oginga. Wamesema hawataridhiana hadi maamuzi ya kisiasa baada ya kifo cha Raila Odinga yabatilishwe. Pia wanataka mazungumzo na UDA yasitishwe na ajenda 10 itekelezwe kikamilifu.
Viongozi wa Linda Mwananchi, wakiwemo Gavana wa Siaya James Orengo na Katibu Mkuu wa ODM Edwin Sifuna, wametoa masharti makali baada ya Gavana wa Kisii Simba Arati kuwaambia warejee nyumbani. Matamshi ya Arati yalifanyika siku ya kwanza ya warsha ya siku tatu ya ODM Pwani iliyokumbwa na misukosuko ya kisiasa.
Wanasema hawataridhiana na mrengo wa Seneta Oburu Oginga hadi maamuzi ya kisiasa yaliyofanywa baada ya mauti ya Raila Odinga yabatilishwe. Pia wanataka kusitishwa kwa mazungumzo kati ya ODM na UDA na utekelezaji kamili wa ajenda 10 kutoka makubaliano kati ya Odinga na Rais William Ruto.
Ombi la Linda Ground linafuatiwa na wabunge Millie Odhiambo na Dr Otiende Amollo kudai hatua ya kumfukuza Sifuna haikufaa. “Kabla ya Mkutano wa Baraza Kuu la Chama, nilikutana na Dkt Oburu na kumwonya kuwa hatua hiyo ingevunja chama,” akasema Dr Amollo.
Dkt Oginga aliwakumbusha wanachama kulinda ODM na kumaliza malumbano ya ndani. “Lazima tuwe waaminifu kwa chama na tuyakomeshe malumbano ya ndani kwa ndani kwa sababu yatasambaratisha chama,” alisema. Alisisitiza umoja kwa mazungumzo na UDA na idhini ya ngazi zote za chama.
