Mkutano wa Julai 13 katika Ikulu ulijadili maendeleo na changamoto ya vitambulisho na usajili wa wapigakura katika kaunti za kaskazini mashariki.
Gavana wa Garissa Nathif Jama alisema Rais William Ruto aliwataka viongozi wa Garissa, Wajir, Mandera, Marsabit na Isiolo kueleza kwa nini wananchi wengi bado hawana vitambulisho licha ya serikali kufuta mfumo wa maombi.
"Rais alituambia bado hatuwahamasishi watu wetu kupata vitambulisho na kujiandikisha kupiga kura. Tulitoka katika mkutano huo tukiwa na aibu," alisema Jama.
Makadirio ya IEBC yanaonyesha Garissa itakuwa na wapigakura 258,926 pekee mwaka 2027, idadi ambayo haifai na wakazi zaidi ya milioni moja wa kaunti hiyo. Gavana wa Wajir Ahmed Abdullahi alisema viongozi waliamriwa kuongeza idadi ya waliojiandikisha na maafisa wa usajili wapelekwe shuleni.
Chanzo kilichohudhuria mkutano kilisema Rais aliwapa viongozi hao miezi mitatu kuongeza idadi ya waliojiandikisha.
