Mwalimu mkuu wa Shule ya Upili ya Alliance amethibitisha kuwa stoo ya magodoro ilichomwa usiku wa kuamkia Alhamisi bila kujeruhi mwanafunzi yeyote.
Katika ujumbe kwa wazazi Alhamisi asubuhi, mwalimu mkuu aliwaita wazazi kwa mkutano wa dharura shuleni ulioanza saa nne asubuhi. Malengo yalikuwa kujulisha wazazi kuhusu tukio na hatua zilizochukuliwa, kujadili masuala ya wasiwasi na kupata mwelekeo wa siku zijazo.
Habari za moto ziliibuka Jumatano usiku huku video zikisambazwa. Ripoti za awali zilidai moto ulitokea katika bweni moja lakini baadaye zilionyesha ulikuwa katika stoo ya magodoro ya wanafunzi waliomaliza shule.
Hii inajiri wiki moja baada ya mkasa wa Utumishi Girls Gilgil ambapo wanafunzi 16 walipoteza maisha katika tukio linaloshukiwa kuwa moto wa makusudi. Kesi hiyo inaendelea kortini Naivasha.
