Dkt Samuel Oyola amepokea ruzuku ya Sh187 milioni kutoka Wakfu wa Gates ili kuunda mfumo wa afya unaotumia akili unde.
Dkt Samuel Oyola ni Mkuu wa Sayansi ya Jenomu katika Taasisi ya Kimataifa ya Utafiti wa Mifugo. Alipokea fedha hizo sawa na dola milioni 1.45 za Marekani.
Mradi huo utatumia akili unde kutabiri mkurupuko wa magonjwa na kufuatilia vimelea vinavyostahimili dawa. Watafiti watakusanya sampuli za maji taka kutoka maeneo 30 jijini Kisumu na Mombasa.
Utafiti huu ulianza wakati wa janga la corona. Dkt Oyola alisema kuwa wakati huo waligundua inawezekana kubaini baadhi ya vimelea kupitia maji taka. Atashirikiana na wanafunzi wawili wa shahada ya uzamifu.
