Hindi kailangang sumunod sa bagong three-term school calendar ng public schools ang mga private schools simula School Year 2026-2027, ayon sa Coordinating Council of Private Educational Associations (COCOPEA). Sinabi ni COCOPEA managing director Joseph Noel Estrada na kailangan ng batas upang sapilitang ipatupad ito sa lahat ng paaralan. Ipinagtatanggol naman ng Department of Education (DepEd) ang reporma batay sa malawakang konsultasyon.
Sa panayam sa radyo dzBB, sinabi ni Estrada na bagamat ilang private schools ay nagpapatupad na ng three-term calendar, hindi ito angkop para sa lahat. “A one-size-fits-all (policy) should be really studied carefully. If that’s the plan, a law is really necessary,” aniya. Idinagdag niya na mas madali itong ipatupad sa public schools dahil iisang sistema ang DepEd na binubuo ng humigit-kumulang 47,000 paaralan, hindi tulad ng private schools na may iba't ibang delivery systems. Dapat daw ay pag-aralan ng bawat paaralan ang kanilang stakeholders tulad ng mag-aaral, magulang, at social class bago magdesisyon. Pinasok ng mga kilalang paaralan ang K to 12 noon, ngunit hindi para sa lahat ito. Ipinagtanggol ng DepEd ang reporma bilang resulta ng multi-level consultations kasama ang mga guro, school leaders, magulang, mag-aaral, at private sector representatives. Ayon sa Second Congressional Commission on Education (EDCOM 2), sa SY 2023-2024, nawala ang 53 sa 180 school days dahil sa panahon at iba pang abala, na nagdulot ng compressed lessons. Layunin ng 201-araw na school year na hatiin sa tatlong terms—Hunyo hanggang Setyembre, Setyembre hanggang Disyembre, Enero hanggang Marso—upang mabawasan ang disruptions, mapahusay ang teacher welfare, at i-streamline ang grading at admin tasks. Ito ay naaprubahan ng Economy and Development Council na pinamumunuan ni Pangulong Marcos.
