Itinuring ng legal team ni Bise Presidente Sara Duterte bilang hindi konstitusyal ang ‘mini-trial’ ng House committee on justice matapos hindi dumalo ang VP sa unang hearing sa natitirang dalawang reklamo ng impeachment.
Sa isang press conference, ipinagtanggol ni abogado Sheila Sison ang desisyon ni Duterte at ng kanyang 16-katao legal team na tanggihan ang imbitasyon ng panel. Ayon kay Sison, ang Senado lamang ang may sole authority na magsagawa ng impeachment trial ayon sa Saligang Batas. “While Section 3, Paragraph 2, Article 11 (of the Constitution) allows the committee to conduct a hearing... the Senate does not give the committee any power or jurisdiction to conduct any form of trial,” ani Sison. Idinagdag niyang walang jurisdiction ang House of Representatives na magsagawa ng anumang trial. Nagpahayag din ng objection si Sison sa mga hakbang na maghahanap ng ebidensya. Si abogado Michael Poa naman ay dadalo sa hearing kapag naglabas ng subpoena ang panel. “I will wait for the subpoena, but definitely I’m willing to attend. I don’t have any intention to evade,” sabi ni Poa. Kinuwestyon din ng team ang jurisdiction ng panel at hindi pa desidido kung i-e-escalate sa Supreme Court. Ayon kay Duterte sa kanyang pahayag, mas pipiliin niyang tumulong sa mga Pilipino kaysa dumalo. Naipasa na niya ang kanyang Answer ad Cautelam at dapat na ibasura ang mga reklamo dahil sa kawalan ng ebidensya. Tinawag niya itong ikatlong fishing expedition at walang policy na nangangailangan ng personal attendance.
